Yayda kondisioner şübhəsiz ki, sivilizasiyanın ən çox arzulanan ixtiralarından biridir.
Lent.az-ın xarici mediaya istinadla xəbərinə görə, evdə, ofisdə, avtomobildə və ya ticarət mərkəzlərində bizi dözülməz istidən qoruyur, ancaq...
Görünməyən təhlükə – hava ilə yayılan düşmənlər
Əgər kondisionerin daxili hissələri (filtrlər və kondensat yığan qablar) vaxtında təmizlənməzsə, onlar bakteriya, göbələk və virusların çoxalması üçün ideal şərait yaradır:
Bakteriyalar və viruslar
İsti və rütubətli şəraitdə legionella kimi təhlükəli bakteriyalar çoxalır. Bu bakteriya “legioner xəstəliyi” adlanan ağır ağciyər infeksiyasına səbəb olur. Xüsusilə yaşlı insanlar, uşaqlar və zəif immunitetli şəxslər üçün təhlükəlidir.
Küf və göbələklər
Göbələk sporları hava ilə yayılır, allergiya, astma və tənəffüs yolları xəstəliklərini kəskinləşdirir.
Əlamətlər: öskürək, asqırma, burun tutulması, göz qaşınması.
Allergenlər
Təmizlənməyin filtrlərdə toz, heyvan tükü və polen yığılır. Bu maddələr təkrar-təkrar hava ilə otağa yayılır və allergik reaksiyalar doğurur.
Kəskin temperatur fərqi – əlavə risklər
Kondisionerdən istifadə zamanı çox soyuq hava axını və çöldəki isti hava arasında olan fərq bir sıra sağlamlıq problemlərinə səbəb ola bilər:
Soyuqdəymə və iltihablar
Boğaz, burun-udlaq və əzələ soyuqlamaları, angina, faringit, miozit, radikulit.
Damar spazmı
Sürətli temperatur dəyişməsi qan damarlarının yığılmasına səbəb ola bilər – bu, hipertoniyalı və ürək-damar xəstəliyi olanlar üçün təhlükəlidir.
Tənəffüs problemləri
Kondisionerin quru havası boğazda quruluq, öskürək, astma və bronxitin ağırlaşmasına səbəb ola bilər.
Havanın quruması və nəticələri
Kondisioner havanı soyutmaqla yanaşı onu çox qurudur, bu da aşağıdakı fəsadlara gətirib çıxarır:
Selikli qişaların quruması – burun, göz və boğazda quruluq, bu da infeksiyalara qarşı bədənin müdafiəsini zəiflədir.
Dəri problemləri – quruluq, qabıqlanma, dermatit və ekzemanın kəskinləşməsi.
Ümumi narahatlıq – baş ağrısı, yorğunluq, halsızlıq.
Riskləri necə azaltmaq olar?
1. Filtrlərin müntəzəm təmizlənməsi. Hər 2-4 həftədən bir təmizləyin. Mövsümdə bir dəfə peşəkar texniki xidmət alın.
2. Həddindən artıq soyuq etməyin
Daxili və xarici hava arasındakı fərq 5-7°C-dən çox olmamalıdır.
Otaq üçün ideal temperatur: 22–25°C.
3. Soyuq hava axınından yayın
Kondisionerin qarşısında oturmayın və yatmayın. Hava axınını yuxarıya və ya yana yönəldin.
4. Otağı havalandırın
Kondisioner işləsə belə, vaxtaşırı təbii hava daxil edin.
5. Havanı nəmləndirin
Hava nəmləndiricisi istifadə edin və ya otağa su dolu qablar qoyun.
6. Bol su için
Orqanizmin su balansını qoruyun, xüsusən istidə və kondisioner işləyərkən.
7. Tədrici uyğunlaşma
İstidən soyuq otağa keçərkən dərhal soyuq hava axınına düşməyin.
8. Uşaqlar və yaşlılara xüsusi diqqət
Onların orqanizmi quruluğa və temperatur dəyişikliyinə daha həssasdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
