Bakıda maskalı şəxslər qadının əl-qolunu bağlayıb...

Bakıda quldurluq hadisəsi baş verib. Lent.az-ın məlumatına görə, noyabrın 22-də saat 01 radələrində 3 nəfər naməlum şəxs 1945-ci il təvəllüdlü Həsənova Zahidə Mayıl qızının evinə soxulub. Pəncərədən mənzilə daxil olan maskalı şəxslər qadının əl-qolunu naqillə bağlayıblar. Daha sonra onlar evdən 5000 manat və 5500 ABŞ dolları, habelə 15000 manat dəyərində qızıl əşyalarını götürərək uzaqlaşıblar

Sabunçu RPİ 14-cü PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakinləri Vəli Allahverdiyev, Xəyal Məmmədov və Sadiq Bayramov tutulub.

Araşdırmalar davam etdirilir.