Keçmiş məhkumlar aptekin qapısını sındırdılar

Aprelin 25-i saat 06:30 radələrində Bakı şəhərinin Nəsimi rayonu ərazisində aptekdən oğurluq edilib. Bakı şəhər Baş Polis İdarəsindən Lent.az-a verilən məlumata görə, əvvəllər məhkum olunmuşlar - Müşfiq Sadıqov və Bahadur Ağayev Ş.Əzizbəyov küçəsində yerləşən, Sona Abbasovaya məxsus aptekdən qapını sındırma yolu ilə dərmanlar oğurlayıblar. Hər iki şəxs Nəsimi RPİ 22-ci PB-nin əməkdaşları tərəfindən tutulublar.

Üzərilərinə baxış zamanı M.Sadıqovdan 0,406 qram, B.Ağayevdən isə 0,197 qram heroin aşkar olunub.