İdxal olunan təyyarə və helikopterlər ƏDV-dən azad edilib

Bu barədə APA-ya Nazirlər Kabinetindən məlumat verilib. «Azərbaycan Respublikasının ərazisinə gətirilən, əlavə dəyər vergisindən azad olunan malların siyahısı haqqında" qərarda edilmiş dəyişikliklə bir sıra aviasiya avadanlıqlarının idxalı ƏDV-dən azad olunub. Bura aviasiyada istifadə üçün təzə pnevmatik rezin şinlər, qığılcımla alışan daxiliyanma, dövri və irəli-geri hərəkət edən porşen ilə aviasiya mühərrikləri, gücü 50 kVt-dan çox, lakin 100 kVt-dan çox olmayan sıxılmadan alovlanan porşenli daxiliyanma (dizellər və yarımdizellər), təzə, mülki aviasiya üçün mühərriklər, aviasiya mühərrikləri üçün hissələr, turboreaktiv mühərriklər, turbovintli mühərriklər, reaktiv mühərriklər və onların hissələri, boş təchiz olunmuş aparatın kütləsi 2000 kq-dan çox olmayan vertolyotlar, boş təchiz olunmuş aparatın kütləsi 2000 kq-dan çox olan və olmayan vertolyotlar, boş təchiz olunmuş aparatın kütləsi 2000 kq-dan çox olmayan təyyarələr və digər uçan aparatlar, boş təchiz olunmuş aparatın kütləsi 2000 kq-dan çox, lakin 15000 kq-dan çox olmayan təyyarələr və digər uçan aparatlar, boş təchiz olunmuş aparatın kütləsi 15000 kq-dan çox olan təyyarələr və digər uçan aparatlar, təyyarə və vertolyotların digər hissələri, uçuş heyəti üçün yerüstü trenajorlar və onların hissələri, hava nəqliyyatı vasitələrində istifadə olunan oturacaqlar kimi oturacaqlar və s. daxildir.

Qərar mayın 25-də qüvvəyə minəcək.