Vergilər Nazirliyi yenə xəbərdarlıq etdi

Vergilər Nazirliyinin müvafiq qurumları tərəfindən paytaxtın müxtəlif yerlərində vergi nəzarəti tədbirləri həyata keçirilərkən vətəndaş Mehdibəyli Rüfət İffət oğluna məxsus Yasamal rayonu, H.B.Zərdabi küçəsi, ev 31/53 ünvanda yerləşən çay evi, Baxışev Elşad Gülnazar oğluna və vətəndaş Şükürov Səfər Əlibayram oğluna məxsus Qaradağ rayonu, Lökbatan qəsəbəsi, 28 may küçəsində ticarət sərgisinin yaxınlığında yerləşən “Prestij”, Hüseynov Rəşad Xanbala oğluna məxsus Qaradağ rayonu, Lökbatan qəsəbəsi, Nizami küçəsi, ev 5 ünvanda yerləşən “Zenit” və Həsənov İsrail Əli oğluna məxsus Nəsimi rayonu, Cavadxan küçəsi, 17 ünvanda “Barselona” futbol klubu obyektlərində qanunsuz fəaliyyətlərini təsdiq edən 4 ədəd noutbuk, 3 ədəd kompüter prosessoru, 1 ədəd möhür, at yarışlarında istifadə edilən 1 ədəd qurğu, nağd pul vəsaiti, “qara mühasibatlıq” sənədləri, müxtəlif firmalara məxsus yüzlərlə sayda vətəndaşlara verilmiş uduş pullarını təsdiq edən ödəniş qəbzləri və kuponlar aşkar olunaraq götürülüb.

Lent.az-ın Vergilər Nazirliyinin rəsmi saytına istinadən verdiyi məlumata görə, Vergilər Nazirliyi bir daha xəbərdarlıq edir ki, xüsusi razılıq tələb olunan fəaliyyət növləri ilə belə razılıq (lisenziya) almadan məşğul olan, o cümlədən qanunsuz totalizator fəaliyyəti göstərən bütün fiziki və hüquqi şəxslər barədə qanun çərçivəsində tədbirlər görüləcək.