Bəzən tam 8 saat yatmaq belə gümrah olmağınıza zəmanət vermir: insan oyananda özünü gücdən düşmüş, başı ağır, sanki ümumiyyətlə dincəlməmiş kimi hiss edir.
Lent.az bununla bağlı məlumatları təqdim edir:
Ən az nəzərə çarpan, amma çox yayılmış səbəblərdən biri yatağın düzgün yerləşdirilməməsidir xüsusilə də, əgər çarpayının baş ucu birbaşa pəncərəyə bitişikdirsə. İlk baxışda pəncərə yanında yatmaq rahat görünə bilər: təmiz hava, təbii işıq, otağın daha geniş təsiri. Amma erqonomika üzrə mütəxəssislər xəbərdarlıq edirlər: məhz bu “rahatlıq” çox vaxt səhər narahatlığının əsas səbəbinə çevrilir.
Temperatur dəyişmələri və cərəyan
Pəncərə yaxınlığındakı zona demək olar ki, həmişə otağın qalan hissəsindən daha soyuq olur. Hətta keyfiyyətli plastik pəncərələr belə bir neçə dərəcəlik fərqi tam aradan qaldıra bilmir. Havalandırma zamanı soyuq hava axınları birbaşa yatdığınız yerdən keçir. Orqanizm gərginləşir, boyun və kürək əzələləri reflektor olaraq sıxılır nəticədə siz baş ağrısı və bədəndə gərginlik hissi ilə oyanırsınız.
Bioloji ritmləri pozan işıq
Hətta qalın pərdələr belə bəzən küçə fənərlərinin, işıqlanmış fasadların və ya səhər şəfəqinin işığını tam bağlaya bilmir. Üzünüzə düşən işıq şüaları dərin və keyfiyyətli yuxu fazasına cavabdeh olan melatonin hormonunun ifrazını azaldır. Nəticədə yuxu səthi, narahat, tez-tez oyanmalarla müşayiət olunan hala gəlir və səhər özünü süstlük göstərir.
Psixoloji gərginlik
Pəncərəyə arxa çevirib yatmaq bizim qeyri–şüuri vəziyyətimiz üçün narahatdır. Xüsusilə də narahatlığa meyilli insanlarda “açıq”, müdafiəsiz olma hissi yaranır. Bu gizli daxili gərginlik səbəbindən beyin yuxunun dərin fazalarına tam keçmir, bu da səhər baş ağırlığına və istirahətsizlik hissinə gətirib çıxarır.
Vəziyyəti necə düzəltmək olar
Ən effektiv variant çarpayını elə yerləşdirməkdir ki, baş ucu kor (pəncərəsiz) divara söykənsin.
Əgər belə imkan yoxdursa, sadə həllər kömək edə bilər:
işığı buraxmayan qalın pərdələr;
hündür, yumşaq baş ucu (başlıq);
çarpayı ilə pəncərə arasında dekorativ arakəsmə (şırma);
temperatur fərqini azaltmaq üçün isti pled və ya əlavə örtük.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
