Bəxtəvərlər siyahısına daxil olub-olmadığınızı öyrənmək üçün sadəcə doğum tarixini bilmək kifayətdir.
Numeroloqlar uğura, sərvətə və əzəmətə məhkum olan doğum tarixlərini müəyyənləşdiriblər.
Lent.az xarici mediaya istinadən xəbər verir ki, doğum tarixinin hər bir rəqəmi öz mənasını daşıyır və insanın xarakterinə və həyat yoluna təsir göstərir. Öz "taleyin rəqəmini" öyrənmək üçün doğum tarixini tək bir rəqəmə endirmək və bunun nə demək olduğuna baxmaq kifayətdir.
Məsələn: Əgər insan 15 iyul 1990-cı ildə anadan olubsa, doğumunun gününü, ayını və ilini ayrı-ayrılıqda tək bir rəqəmə endirmək, sonra isə alınmış rəqəmləri toplamaq lazımdır.
• Gün: 1 + 5 = 6
• Ay: 7 (iyul – yeddinci aydır, bu artıq tək bir rəqəmdir)
• İl: 1 + 9 + 9 + 0 = 19, sonra 1 + 9 = 10 və nəticədə 1 + 0 = 1
• İndi isə toplayırıq: 6 + 7 + 1 = 14, sonra isə 1 + 4 = 5.
Numerologiyaya görə hər bir rəqəmin simvolizə etdiyi mənalar bunlardır:
• 1 rəqəmi – azadlıq, müstəqillik və fərdilik. Bu, yeni başlanğıcların və müsbət dəyişikliklərin rəqəmidir.
• 2 rəqəmi – səbir, rəğbət və ətrafdakılarla sağlam münasibətlər. Bu rəqəmə sahib olan insanlar qərara tələsməməli və hər şeyi diqqətlə düşünməlidirlər.
• 3 rəqəmi – emosiyalar, ünsiyyətcillik və insanlarla ümumi dil tapmaq bacarığı. Bu rəqəm özünü və şəxsi ehtiyaclarını birinci yerə qoymağı öyrədir.
• 4 rəqəmi – planlaşdırma və məqsədəyönümlülük. Rəqəm həyat məqsədlərinə diqqət yetirməyi və hara hərəkət etdiyini başa düşməyi xatırladır.
• 5 rəqəmi – özünün qeydinə qalmaq, öz hərəkətlərinə görə məsuliyyət, həmçinin avantürist və gözlənilməz enerji.
• 6 rəqəmi – liderlik keyfiyyətləri və vəziyyəti nəzarət altında saxlamaq bacarığı. Bu rəqəm düzgün qərarlar və daha yaxşı olmaq istəyi haqqındadır.
• 7 rəqəmi – xoşbəxt rəqəm hesab olunur. İntuisiyaya və daxili səsə qulaq asmağa kömək edir, nüfuzu və analitik düşüncə tərzini simvolizə edir.
• 8 rəqəmi – maliyyə və pulu idarə etmək bacarığı. İdarəetmə və liderlik bacarıqlarını inkişaf etdirməyə çağırır.
• 9 rəqəmi – bir mərhələnin başa çatması və yenisinin başlaması. Həyatı yenidən qiymətləndirməyə və lazımi dəyişikliklər etməyə sövq edir.
• 0 rəqəmi – bütövlük və potensial simvolu. Numerologiyaya görə, bu, istədiyinə nail olmağı bacaranlar üçün xeyir-dua rəqəmidir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
