Bir çox qəhvəxanalarda qəhvə ilə birlikdə ənənəvi olaraq bir stəkan su təqdim olunur. Məlum olub ki, bu, həm içkinin dadını yaxşılaşdırmaq, həm də sağlamlıq üçün vacibdir.
Lent.az xarici mediaya istinadən xəbər verir ki, qəhvə fincanını bir stəkan təmiz su ilə müşayiət etməyi tövsiyə edirlər və bu vərdişin bir neçə mühüm səbəbi var. Bu sadə ritual təkcə içkinin dadını daha yaxşı açmır, həm də ümumi sağlamlıq vəziyyətinə müsbət təsir göstərir.
Niyə qəhvə ilə birlikdə su içmək lazımdır?
Birincisi, bu, susuzlaşmanın qarşısını almağa kömək edir. Gecə yuxusundan sonra orqanizm maye çatışmazlığı yaşayır, çünki bir neçə saat ərzində nə su, nə də qida qəbul olunmur. Səhərə bir stəkan təmiz su ilə başlamaq ümumi vəziyyətin tez bir zamanda yaxşılaşmasına kömək edir. Qəhvə isə sidikqovucu təsirə malikdir və acqarına içildikdə maye itkisini artıra bilər.
İkincisi, su qəhvənin mədəyə qıcıqlandırıcı təsirini azaldır. Bu içki yüksək turşuluğa malikdir və xüsusilə səhər ilk qəbul edilən maye olduqda narahatlıq yarada bilər. Səhər yeməyi etməyə öyrəşməyənlərə həkimlər ən azı qəhvədən əvvəl su içməyi tövsiyə edirlər ki, mədənin selikli qişası qorunsun.
Üçüncü səbəb dad hissləri ilə bağlıdır. Bir çox Avropa qəhvəxanalarında qəhvə ilə birlikdə ənənəvi olaraq bir stəkan su təqdim olunur. Bu, dad reseptorlarını təmizləmək və içkinin ətirini və dadını kənar çalarlarsız tam şəkildə hiss etmək üçün edilir.
Nəhayət, su artıq kofeinin təsirini yumşaltmağa kömək edir. Qəhvənin tərkibində teobromin adlı maddə var və onun təsiri içkidən təxminən 20-30 dəqiqə sonra özünü göstərir. Məhz bu maddə bir neçə fincan qəhvədən sonra halsızlıq və yorğunluq hissinin yaranmasına səbəb ola bilər.
Qəhvə ilə birlikdə içilən bir stəkan su bu xoşagəlməz təsiri azaltmağa və orqanizmin yüklənmə ilə daha asan mübarizə aparmasına kömək edir. Səhər qəhvəsinə bir stəkan su əlavə etmək kimi sadə bir addım həm dad təəssüratlarını, həm də ümumi sağlamlıq vəziyyətini əhəmiyyətli dərəcədə yaxşılaşdıra bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
