Amerikalı məşhur aşpaz Entoni Burden 1990-cı illərdə yazdığı kitabında restoranlarda bazar ertəsi balıq sifariş etməməyi məsləhət görürdü. O dövrdə Nyu-Yorkda mərkəzi balıq bazarı həftəsonu işləmirdi, restoranlar isə dördüncü gün iri sifarişlər edərək cümə və şənbə günlərinin axınını qarşılayırdılar. Burdenin fikrincə, həmin balıq soyuducularda çox açılıb-bağlanan qapılar səbəbindən temperatur dəyişərək yeni həftənin əvvəlinə qədər artıq “əvvəlki kimi təzə” olmurdu. O, ən yaxşı seçim kimi çərşənbə axşamı və ya cümə axşamını göstərirdi.
Bu məsləhət indi niyə işləmir?
Lent.az xarici mediaya istinadla xəbər verir ki, bu qayda bu gün üçün aktuallığını itirib.
Müasir restoranlar balıq və dəniz məhsullarını artıq həftədə bir deyil, bir neçə dəfə, bəzən hər gün qəbul edirlər, mətbəxlərdə PAR sistemi (periodik avtomatik yenilənmə) tətbiq edilir. Bu sistem məhsul ehtiyatını daim təzə saxlayır, temperatur bərqərar nəzarətlə qorunur, məhsullar düzgün qlazurasiya və saxlanma üsulları ilə keyfiyyətini itirmir.
Qida və içkilər üzrə director Ceyson Pfayferin sözlərinə görə, bəzi təchizatçılar bazar günü çatdırma etməsələr də, nüfuzlu restoranlar indi təhlükəsizlik standartlarına ciddi əməl edir və riskləri minimuma endirirlər. Burden özü də sonralar etiraf etmişdi ki, zaman dəyişib, intizam artıb, müştəri də artıq təzə balığın necə görünməli olduğunu yaxşı tanıyır.
Amma istisna var
Burden bir şeyi yenə də xüsusi vurğulayırdı: midiyə və digər molyusklara diqqətlə yanaşmaq lazımdır, xüsusən kiçik bar və pab kimi yerlərdə, çünki onların soyuducu və saxlanma sistemi restoranlarla eyni səviyyədə olmaya bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
