Təzə ağ kələmdən hazırlanmış iştahaaçan və pikant qəlyanaltını hazırlamaq çox asan və sadədir. Bu üsulla hazırlanmış marinad edilmiş kələm bayram süfrəsində ayrıca yemək kimi belə təqdim oluna bilər.
Lent.az bu resepti təqdim edir:
İnqrediyentlər:
böyük ölçülü kələm
200 qram təmizlənmiş, saman şəklində doğranmış çuğundur
100 qram kərəviz kökü
50 qram təmizlənmiş sarımsaq1
çay qaşığı küncüt
1 litr su
45 qram duz
2 xörək qaşığı bal
Hazırlanma üsulu
1. Kələmi sizin üçün rahat olan orta ölçülü istənilən formalı tikələrə doğrayın.
2. Təzə çuğunduru qabığından təmizləyin və nazik saman formasında doğrayın. Kərəviz kökünü də eyni qaydada doğrayın.
3. Marinadlanmış kələmi hazırlayacağınız dərin qabı götürün və qat-qat yerləşdirməyə başlayın:
əvvəl kələm,
sonra çuğundur,
ardınca kərəviz.
Hər qat arasına doğranmış sarımsaq və bir az küncüt (tmin) əlavə edin. Bütün inqrediyentlər bitənədək bu ardıcıllıqla davam edin.
4. Marinadı hazırlayın: isti suya bal və duz əlavə edib yaxşı qarışdırın ki, tam həll olsun. Sonra bu marinadı tərəvəzlərin üzərinə elə tökün ki, su onların səthini azacıq örtəcək qədər olsun.
5. Qabın ağzını tənziflə örtün və 7-14 °C temperaturda olan qaranlıq bir yerə qoyun.
6. İki həftədən sonra çuğundurlu marinad edilmiş kələmi dadmaq olar. Kələm vahid rəng aldıqda tam hazır sayılır.
7. Bundan sonra qabı qapaqla bağlayın və sərin yerdə saxlayın.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
