Tavaya ehtiyac olmadan cəmi 3 dəqiqəyə qayğanaq RESEPTİ

İstirahət günlərində dadlı səhər yeməyi hazırlamaq əsl zövqdür. Xüsusilə də, əgər yumurtanı tavada qızartmadan bişirməyin asan və uğurlu bir yolu varsa. Adi qayğanaq hazırlamaq sadə görünsə də, çoxları yüksək oddan istifadə edir və nəticədə ya yumurta yanır, ya tavaya yapışır, ya da sarısı rezin kimi olur.

Lent.az bu rahat qayğanaq reseptini sizə təqdim edir:

Xaricdən xırt-xırt, içi isə krem kimi yumşaq
Bu üsulla hazırlanan yumurtalar həm çox az yağ tələb edir, həm də aşağı kalorilidir. Hava ilə bişirmə texnologiyası (air fryer və ya multipeç) yumurtanın bərabər bişməsini təmin edir.

Multipeçdə qayğanaq necə hazırlanır?
Tərkibi:
1 ədəd böyük yumurta

Yağ spreyi (və ya az miqdarda zeytun/krema yağı)

Yapışmayan dayaz istiyə davamlı list

Mətbəx lapatkası

Qoruyucu əlcək (isti list üçün)

Hazırlanma qaydası:
Yumurtanı kiçik bir kasa və ya fincana sındırın. Multipeçi 180°C-ə qədər qızdırın, bu zaman listi içəridə saxlayın ki, o da isinmiş olsun. Taymer işə düşəndə, yumurtanı diqqətlə isidilmiş listə tökün. Yumurtanı multipeçə yerləşdirin və təxminən 3 dəqiqə bişirin. Əgər yumurtanın sarısının az bişmiş (orta dərəcədə axıcı) olmasını istəyirsinizsə, 1 dəqiqə də əlavə edin. Taymer bitdikdə listi çıxarın, lapatka ilə yumurtanı diqqətlə çıxarın – vəssalam! Qaymaq kimi dadlı yumurta hazırdır.