Niyə təyyarədə yatmaq təhlükəlidir? – stüardessanın CAVABI

Stüardessa təyyarədə müəyyən vaxtlarda yuxunun hansı fəsadlara səbəb ola biləcəyini izah edib. Stüardessa qeyd edir ki, bir çox sərnişinlər təyyarədə davranış qaydalarını mütəmadi olaraq pozurlar. Onun sözlərinə görə, belə pozuntulardan biri uçuş və eniş zamanı yuxuya getməkdir ki, bu da edilməməlidir.

Bu barədə Lent.az məlumat verir:

"Gəlin təyyarədə edilməməli şeylərdən danışaq. Birinci məqam – heç vaxt uçuşdan əvvəl və ya eniş zamanı yatmamalısınız. Mən başa düşürəm ki, səyahətlər yorucu olur, bəzən sadəcə təyyarəyə minib dərhal yatmaq istəyirsiniz, ancaq inanın mənə – bunu etməməyin səbəbləri var". – stüardessa bildirib. Onun sözlərinə görə, ən yüksək səslər adətən təyyarənin uçuş zolağına yönəldiyi zaman eşidilir. Üstəlik, uçuşdan əvvəl və eniş zamanı sərnişinlər mümkün fövqəladə vəziyyət və təcili təyyarəni tərk etmək ehtimalına qarşı ayıq olmalıdırlar. Qadın həmçinin sərnişinlərə özləri ilə gətirdikləri alkoqolu içməyi məsləhət görmür, çünki bu bəzi ölkələrin qanunlarına ziddir. O əlavə edib ki, bələdçilər sərnişinlərin alkoqoldan məsuliyyətlə istifadə etdiyinə əmin olmalıdırlar. Bundan başqa, onillik təcrübəsi olan stüardessa sərnişinlərə təyyarədə ayaqqabısız gəzməməyi tövsiyə edib, çünki bəzi yerlərdə təmizlik yetərli olmaya bilər.

O izah edib ki, öz yerində ayaqqabını çıxarmaq bir şeydir, amma keçidlərdə və ya tualetdə ayaqqabısız gəzmək olmaz. Onun sözlərinə görə, təyyarənin döşəməsi həmişə təmiz olmur və sərnişinlər təsadüfən xoşagəlməz bir şeyin üzərinə basa və ya başqalarına mane ola bilərlər.