Qərbi şoka salacaq etiraf!

Əfqanıstan prezidenti Həmid Karzayi “New York Times” qəzetinin İrandan pul aldığına dair xəbərini təsdiqləyib. Lent.az-ın “trt.net.tr” saytının Azərbaycan versiyasına istinadən verdiyi məlumata görə, qərbyönümlü siyasətçi kimi tanınan Həmid Karzayi İrandan alınan pulların rəsmi yardım olduğunu və şəffaflıq şəraitində verildiyini dilə gətirib.

Prezident prezidenti İranın ildə 2-3 dəfə 500, 600 və ya 700 min avro olmaqla, 3 dəfə Əfqanıstana yardım etdiyini söyləyib: “Bunlar rəsmi yardımlardır. Hər şey şəffafdır. Bəli, pullar bizə çanta içində gəldi”.

İranın Kabildəki səfirliyindən verilən açıqlamada isə Tehranın yanlış, təhqiramiz və gülünc iddiaları qəti dillə təkzib etdiyi bildirilib.

Qeyd edək ki, “New York Times” qəzeti Həmid Karzayinin kabinet rəhbəri Ömər Dodzayinin İrandan milyonlarla dollar aldığını, bu pulun millət vəkilləri, tayfa liderləri və hətta “Taliban” yetkililərinə Tehrana bağlılıqlarının təmin edilməsi məqsədilə çatdırıldığını yazıb.