Rusiyada ölüm halları 5 dəfə artıb

Bu il Rusiyada ölüm hallarının sayı kəskin artıb.
Lent.az-ın “Exo Moskvı” radiosuna istinadən verdiyi məlumata görə, hökumət bu ilin iyul və avqust aylarında anomal istilər nəticəsində baş verən meşə yanğınları ilə bağlı araşdırmalara başlayıb.
Həmin yanğınlar zamanı ağaclar və torf yanıb, şəhərlər insan sağlamlığı üçün zərərli tüstüyə bürünüb. Nəticə isə acınacaqlıdır. Rusiya Səhiyyə Nazirliyinin məlumatına görə, iyul-avqust aylarında keçən ilin eyni dövrü ilə müqayisədə ölənlərin sayı 56 min nəfər çoxdur. Yəni ölüm hallarının sayı ötən illə müqayisədə faktiki 5 dəfə artıb. Ölənlərin yerini miqrantlarla kompensasiya etmək də mümkün olmayıb.
Bu il Rusiyada mədə-bağırsaq və qan dövranı ilə bağlı xəstəliklərdən ölənlərin də sayında artım var. İlin əvvəlindən Rusiyada 1 milyon 385 min nəfər ölüb.