Əxlaqsızlıq yuvaları təşkil edən 4 nəfər tutulub

Lent.az-ın Daxili İşlər Nazirliyinin saytına istinadən verdiyi məlumata görə, paytaxt sakini Mənsur Ramazanov və Şəmkir rayon sakini Famil Etibarlı gəlir əldə etmək məqsədilə qadınları fahişəliyə cəlb etdiklərinə görə saxlanılıb.

Eyni zamanda Sabunçu rayonu dəmiryolu stansiyasının yaxınlığındakı evdə əxlaqsızlıq yuvası təşkil edən daha iki nəfər də tutulub. Belə ki, Füzuli rayon sakini Hikmət Mərdanov və Beyləqan rayon sakini Sənan Hacıyev gəlir əldə etmək məqsədilə qadınları fahişəliyə cəlb etdiyi məlum olub. Hər iki şəxs tutulub.