Müsadirə edilən telefonlar, ayaqqabılar, alışqanlar hərraca çıxarılır - SİYAHI

Lent.az-ın Əmlak Məsələləri Dövlət Komitəsinin rəsmi saytına istinadən verdiyi məlumata görə, hərraca çıxarılan əmlaklar Nəsimi rayonunda Baş Prokurorluğun Ağır Cinayətlərə Dair İşlər üzrə İstintaq İdarəsində saxlanılır.

Hərraca çıxarılan əmlaklar arasında ümumi qiyməti 68 min 795 manat olan 1015 ədəd “Samsung” və “Nokia” markalı mobil telefonlar, qiyməti 11 min 686 manat olan ehtiyat hissəsi kimi nəzərdə tutulmuş “Samsung” və “Nokia” markalı mobil telefonlar, qiyməti 907 manat olan 124 ədəd müxtəlif növ ayaqqabılar, qiyməti 300 manat olan “Cricket” markalı alışqanlar var.

Hərraclarda qanunvericiliyə müvafiq olaraq alıcı hesab edilən, sifarişi və digər zəruri sənədləri təqdim etmiş, satılan əmlakın ilkin satış qiymətinin 10% həcmində beh ödəmiş hüquqi və fiziki şəxslər iştirak edə bilərlər. Hərracda iştirak etmək istəyən fiziki və hüquqi şəxslər satışa çıxarılan əmlakla tanış olmaq və sifariş vermək üçün Əmlak Məsələləri Dövlət Komitəsi yanında Hərracların Təşkili üzrə Auksion Mərkəzinə müraciət edə bilərlər. Sifarişlər və aşağıdakı sənədlər Hərracların Təşkili üzrə Auksion Mərkəzində hərracın keçirilməsinə ən azı 3 bank günü qalanadək hər gün saat 9.00-dan 18.00-a qədər qəbul olunacaq.