Düzgün şəraitdə saxlanılan qapalı şərab illərlə yararlı qalır. Lakin açıldıqdan sonra şərab adətən cəmi bir neçə gün keyfiyyətini qoruyur. Hava ilə təmas oksidləşməni sürətləndirir və nəticədə içkinin rəngi, dadı və qoxusu dəyişir.
Lent.az şərabı düzgün saxlamaqla bağlı məlumat verir.
Əsas xarab olma əlamətləri bunlardır:
Qoxu - kəskin, sirkə kimi, yanıq notlu və ya nəm kartof qoxusunu xatırladır
Dad - turş, meyvəli çalarlar tamamilə itir və acılıq yarana bilər
Rəng - qırmızı şərab qəhvəyi çalara dönür, ağ şərab isə tündləşir.
Açılmış şərabı necə saxlamaq olar?
Şərab açıldıqdan sonra soyuducuda saxlamaq onun istifadə müddətini uzada bilər. Bundan əlavə, şərab sabit temperaturda saxlanmalıdır.
Butulkanı möhkəm bağlayan adi və ya vakuumlu tıxacdan istifadə edin.
Açıq butulkanı həmişə şaquli vəziyyətdə saxlayın, bu, şərabın hava ilə təmasını minimuma endirir.
Açıldıqdan sonra şərabın saxlanma müddəti:
Ağ şərab soyuducuda 3–5 gün
Qırmızı şərablar 3–7 gün
Şampan və digər qazlı şərablar xüsusi qapaqla 1–3 gün
Xarab olmuş (kommersiya məqsədli) şərabın içilməsi adətən ciddi zəhərlənməyə gətirmir, lakin xoşagəlməz dad və qoxu səbəbilə yüngül mədə narahatlığı yarada bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
