BDU-da rusiyalı dekanla görüş olub - FOTO

Lent.az-ın məlumatına görə, BDU-nun rektoru, akademik Abel Məhərrəmov ali məktəb haqqında qonqlara ətraflı məlumat verib, universitetin yaranma və inkişaf tarixindən, beynəlxalq əlaqələrindən, əsasən də Rusiya Federasiyası universitetləri ilə münasibətlərdən bəhs edib.

Rektor Rusiyanın ali təhsil ocaqları ilə əməkdaşlığa xüsusi əhəmiyyət verməsindən, universitetlərin daha sıx və səmərəli fəaliyyət göstərmələri üçün birgə proqram və layihələrdən, tələbə-müəllim mübadiləsinin mümkünlüyündən danışıb.

Öz növbəsində Sergey Karpov Azərbaycan universitetləri, xüsusən Bakı Dövlət Universiteti ilə əməkdaşlıqda maraqlı olduqlarını bildirib. Ölkələrimiz arasında əməkdaşlıq və dostluq əlaqələrinin genişləndirilməsi istiqamətində gələcək perspektivdən danışaraq, gənc mütəxəssislər arasında informasiya mübadiləsinin aparılmasının zəruriliyini qeyd edib.

Qarşılıqlı maraq kəsb edən digər məsələlərin də müzakirə edildiyi görüş qonağın universitetlə tanış olaraq yüksək təəssüratla ayrılması ilə başa çatıb.

Qeyd edək ki, görüşdə Postsovet məkanlarının öyrənilməsi üzrə informasiya-analitik mərkəzin direktoru, MDU-nun tarix fakültəsinin dekan müavini Aleksey Vlasov və MDU-nun tarix fakültəsinin müəllimi, tarix elmləri namizədi, dosent İsmayıl Atakişiyev də iştirak edib.

Nizam