Dekabrın 18-nə keçən gecə Bakı şəhərinin Xətai rayonu ərazisində baş vermiş yol qəzasında ölən şəxs polis polkovnik-leytenantı olub. Xətai rayon Polis İdarəsindən Lent.az-a verilən məlumata görə, Nobel prospektində üzü mərkəzə doğru hərəkət edən “Mercedes” markalı, 90 RN 429 nömrə nişanlı avtomobil qəfil yolun əks istiqamətinə çıxıb. Avtomobil Naxçıvan MR, Babək rayon sakini, 1986-cı il təvəllüdlü İbrahimov Emin Dilsuz oğlunun idarə etdiyi “Hovo” markalı yük maşınına çırpılıb. Nəticədə “Mercedes”in sürücüsü, Bakı Metropolitenində Polis Şöbəsinin rəisinin şəxsi heyət üzrə köməkçisi, polis polkovnik-leytenantı, 1967-ci il təvəllüdlü Əhmədov Mais Hadı oğlu hadisə yerində keçinib. Avtomobildə olan 25-30 yaşlı qadın isə ağır vəziyyətdə 3 saylı şəhər xəstəxanasına yerləşdirilib.
***
10:36
Bakıda minik avtomobili ilə yük maşını toqquşub. Lent.az-ın Fövqəladə Hallar Nazirliyinin saytına istinadən verdiyi məlumata görə, Xətai rayonunda "Mercedes" markalı minik avtomobili və "Mercedes" markalı yük avtomobili toqquşub. Dərhal FHN-in müvafiq xilasetmə qüvvələri hadisə yerinə cəlb olunub.
Hadisə yerində əməliyyat şəraiti qiymətləndirilərkən məlum olub ki, "Mercedes" markalı minik avtomobilində olan 1 nəfər sərnişin xəsarət alıb və xəstəxanaya aparılıb. Həmin avtomobilin sürücüsü isə hadisə yerində vəfat edib. Xilasedicilər xüsusi alət və avadanlıqlar vasitəsilə deformasiyaya uğramış avtomobildə sıxılmış vəziyyətdə qalmış sürücünün cəsədini çıxarıb və aidiyyəti üzrə təhvil veriblər. Həmçinin, ərazidə müvafiq təhlükəsizlik tədbirləri görüblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
